IL-BILJETTI GĦAL-LOGĦBA BARRA MINN DARNA TAL-UEFA NATIONS LEAGUE KONTRA L-LUSSEMBURGU JINSABU GĦALL-BEJGĦ

It-Team Nazzjonali Malti għandu opportunità internazzjonali f’Marzu li ġej, b’żewġ logħbiet kruċjali kontra l-Lussemburgu fil-Play-Offs tal-UEFA Nations League.

It-team, immexxi mill-coacb, Emilio De Leo, se jilgħab kontra l-Lussemburgu fuq żewġ legs, biex tinkiseb il-promozzjoni għal League C, tragward li qatt ma ntlaħaq mit-team Malti.

L-ewwel leg, li se jintlagħab fl-Istadium Nazzjonali, f’Ta’ Qali, se jintlagħab nhar il-Ħamis 26 ta’ Marzu, 2026, fis-6.00 pm. Il-biljetti għal dik il-logħba diġà huma disponibbli fuq il-portal tal-biljetti tal-Malta FA.

Wara dan, Malta se tivvjaġġa lejn il-Lussemburgu għall-leg tar-ritorn, li se jsir nhar it-Tlieta 31 ta’ Marzu 2026 fl-Istadium De Luxembourg, li jibda fis-6.00 pm ukoll.

Hekk kif qed nippreparaw għaż-żewġ logħbiet kruċjali, issa qed nirċievu wkoll applikazzjonijiet għal biljetti għal-logħba barra minn darna!

Il-biljetti huma disponibbli għal €30, għalhekk kun żgur li taċċerta postek biex tappoġġja lit-team nazzjonali f’din l-okkażjoni importanti.

Il-partitarji interessati jistgħu japplikaw għal biljett billi jimlew il-formola mis-sit elettroniku tal-Malta FA:

APPLIKA

Jekk jogħġbok innota li d-data tal-għeluq għall-applikazzjonijiet hija l-Ġimgħa 20 ta’ Marzu 2026.

Min jista’ jixtri?

Il-partitarji tat-team nazzjonali ta’ Malta biss huma eliġibbli biex jixtru biljetti barra minn darna

Trid tipprovdi prova valida tan-nazzjonalità jew tar-residenza, bħal:

– Passaport Malti, jew

– Karta ta’ Residenza Maltija valida

Kundizzjonijiet Importanti:

-Il-biljetti mhumiex trasferibbli u ma jistgħux jinbiegħu mill-ġdid.
-Kull applikazzjoni tiġi riveduta u tista’ tiġi miċħuda mill-awtoritajiet tal-istadium jew mill-Malta FA mingħajr spjegazzjoni, speċjalment jekk il-kriterji ta’ eliġibbiltà ma jintlaħqux.
-Il-post eżatt tal-ġbir jitħabbar eqreb lejn id-data tal-logħba.
-Partitarji mingħajr identifikazzjoni valida ma jingħatawx dħul fis-sezzjoni barra minn darhom.

Jekk jogħġbok innota li kull biljett irid ikun irreġistrat f’isem individwu uniku. Biex tiżgura identifikazzjoni preċiża tad-detentur tal-biljett, jekk jogħġbok imla din il-formola u l-ħlas separatament għal kull biljett li tixtieq tixtri.