IL-BILJETTI ISSA HUMA DISPONIBBLI GĦALL-PLAY-OFF STORIKA TAL-UEFA NATIONS LEAGUE LI SE TINTLAGĦAB F’DARNA KONTRA L-LUSSEMBURGU

It-Team Nazzjonali Malti jinsab lest għall-partita internazzjonali deċiżiva u potenzjalment storika, f’Marzu, bi Play-Off kruċjali tal-UEFA Nations League kontra l-Lussemburgu.

Immexxija mill-coach, Emilio De Leo, Malta se tilgħab żewġ legs kontra l-Lussemburgu, għall-promozzjoni għal-League C, tragward li t-Tim Nazzjonali Malti qatt ma kiseb fil-passat.

L-ewwel leg se jintlagħab fl-Istadium Nazzjonali, f’Ta’ Qali, nhar il-Ħamis 26 ta’ Marzu 2026, fis-6.00 pm. Il-kick-off kmieni filgħaxija toffri l-opportunità perfetta għall-partitarji Maltin biex jingħaqdu wara t-team u jagħtuh l-appoġġ meħtieġ tagħhom.

Il-leg ta’ ritorn se jintlagħab nhar it-Tlieta 31 ta’ Marzu 2026 fi Stade de Luxembourg, se jintlagħab ukoll fis-6.00 pm.

Bit-tħejjijiet għaddejjin ġmielhom, il-bejgħ tal-biljetti għall-partita li se tintlagħab fi gżiritna issa huwa disponibbli.

Il-gruppi uffiċjali tal-partitarji tat-Tim Nazzjonali Malti – South End Core u Ultras Malta – se jkunu pożizzjonati fis-sezzjonijiet tal-Millennium D u l-Millennium F rispettivament, lesti biex jipprovdu appoġġ qawwi matul il-logħba. Il-partitarji huma mħeġġa jiżguraw posthom kmieni u jkunu parti minn din l-okkażjoni storika!

UEFA Nations League – Play-Off
Malta vs Lussemburgu
26 ta' Marzu 2026
18:00hrs
Stadium Nazzjonali, Ta’ Qali

-Millennium D u F:
Adulti: €10 (Anzjani u Konċessjonijiet: €6) 

-West A:
Adulti: €30 (Anzjani u Konċessjonijiet: €15) 

Il-partitarji tal-Lussemburgu se jkollhom allokazzjoni fl-istand West A.

PAKKETT TA’ BILJETTI GĦALL-FAMILJA

Għal din il-logħba, il-Malta FA nediet pakkett speċjali ta’ biljetti għall-familja li se jarahom jibbenefikaw minn prezzijiet imnaqqsa b’mod sinifikanti fl-istand ta’ West A.

Għal €60 biss, il-familji jistgħu jgawdu l-logħba flimkien u jappoġġjaw lit-Team Nazzjonali f’din l-okkażjoni importanti.

Il-biljett tal-familja huwa validu għal waħda mill-konfigurazzjonijiet li ġejjin:

-Tliet adulti (iffranka sa €30)
-Adult wieħed bi tliet konċessjonijiet (iffranka sa €15)
-Żewġ adulti u żewġ konċessjonijiet (iffranka sa €30)

KIF TIXTRI

Il-biljetti għal-logħba jistgħu jinxtraw online minn fuq is-sit elettroniku tal-MFA.

IXTRI l-BILJETTI

AĊĊESSIBBILTÀ

Għal aċċess għal siġġijiet tar-roti, ibgħat it-talba tiegħek bl-email lil tickets@mfa.com.mt. Persuni b'mobbiltà limitata u dawk li jakkunpanjawhom jistgħu jgawdu minn prezzijiet ta' konċessjoni.

OSPITALITÀ

Jekk inti interessat f'biljetti korporattivi, inkluża l-ospitalità, jekk jogħġbok indirizza kwalunkwe mistoqsija lil marketing@mfa.com.mt.

Kun hemm. Appoġġja lit-team hekk kif Malta qed tfittex promozzjoni storika.