Tesse ssejjaħ l-iskwadra għall-UEFA Nations League tan-Nisa kontra Georgia

It-team nazzjonali Malti tan-Nisa se jerġa’ jkun fl-azzjoni b’żewġ logħbiet kruċjali tal-UEFA Nations League kontra Georgia, bil-għan li jtejjeb il-pożizzjoni tiegħu fi Grupp C2 hekk kif ikompli fit-tfittxija tiegħu għal riżultati pożittivi.

Il-coach nazzjonali, Manuel Tesse, sejħet skwadra ta’ 24 player għaż-żewġ logħbiet li ġejjin, hekk kif Malta u Georgia għandhom tliet punti kull wieħed wara li  kull team rebaħ il-partita rispettiva tiegħu kontra Andorra u tilef kontra l-leaders tal-gruppi attwali, Ċipru.

L-ewwel konfront se jkun barra minn xtutna, nhar il-Ġimgħa, 4 ta’ April, fil-Mikheil Meskhi Stadium ta’ Tbilisi, fil-5.00 pm. Imbagħad, erbat ijiem wara, Malta se tospita lil Georgia fis-Centenary Stadium, liema partita tibda fis-7.00 pm, biż-żewġ  logħbiet jixxandru dirett fuq TVM Sport+.

Il-biljetti għall-partita li se tintlagħab fis-Centenary Stadium, fit-8 ta’ April, jistgħu jinxtraw minn tickets.mfa.com.mt.

Hekk kif Malta għandha l-objettiv li tkompli titla’ positijiet fil-klassifika, l-akkwist ta’ punti f’dawn iż-żewġ partiti huwa kruċjali għat-tamiet tagħha li tassigura tmiem b’saħħtu f’dan il-grupp.

Il-coach, Tesse, se jkollha tgħaddi mingħajr is-servizzi ta’ Charlene Zammit, għall-ewwel partita hekk kif id-difensur ta’ esperjenza ta’ Birkirkara trid tiskonta partita sospensjoni wara li ntweriet żewġ karti sofor fiż-żewġ konfronti preċedenti.

Fuq nota pożittiva, id-difensur Ann Marie Said tirritorna fl-iskwadra wara li rkuprat minn injury li ħallietha barra mill-azzjoni fl-aħħar żewġ ħarġiet ta’ Malta.

L-iskwadra finali magħżula mill-coach Tesse hija:

Goalkeepers
Janice Xuereb (Birkirkara FC), Maya Cachia (Birkirkara FC), Patricia Ebejer (Mgarr United).

Difensuri
Rebecca Bajada (Mgarr United), Fiona Buttigieg (Luton Town Ladies FC - Ingilterra), Tammy Falzon (Swieqi United), Emma Xuereb (Swieqi United), Oceane Grange (RC Roubaix Wervicq Feminin - Franza), Emma Lipman (Genoa - Italja), Maya Lucia (Orlens Gdansk - Polonja), Valentina Rapa (Birkirkara FC), Charlene Zammit (Birkirkara FC), Ann Marie Said (Mgarr United) 

Midfielders
Jana Barbara (Schalke 04 - Ġermanja), Yulya Carella (Mgarr United), Rachel Cuschieri (Genoa - Italja), Alexandra Gatt (York City Ladies - England), Nicole Sciberras (Hibernians FC), Shona Zammit (Swieqi United)

Attakkanti
Haley Bugeja (Inter - Italja), Alishia Cassar (Birkirkara FC), Lexine Farrugia (AS Roma Women - Italja), Maria Farrugia (Sheffield United - Ingilterra), Kailey Willis (Venezia Femminile - Italja)