DE LEO JĦABBAR L-ISKWADRA FINALI GĦALL-KWALIFIKI TAT-TAZZA TAD-DINJA TA’ NOVEMBRU

Il-coach nazzjonali, Emilio De Leo, sejjaħ l-iskwadra finali għall-kwalifiki Ewropej ta’ Grupp G għat-Tazza tad-Dinja, 2026, kontra l-Finlandja u l-Polonja. 

It-team se jivvjaġġa lejn Helsinki nhar il-Ġimgħa, 14 ta’ Novembru, biex jiffaċċja lill-Finlandja fl-Istadium Olimpiku ta’ Helsinki, fis-6.00 pm,  ħin lokali. 

Tlett ijiem wara, jiġifieri, it-Tnejn, 17 ta’ Novembru, Malta se tirritorna fl-Istadium Nazzjonali, f’Ta’ Qali biex tilqa’ lill-Polonja, bil-partita tibda fid-8.45 pm. Din il-logħba se timmarka l-aħħar logħba tal-grupp.

Hemm diversi inklużjonijiet notevoli fl-iskwadra. Id-difensur żagħżugħ Sven Xerri, li qabel kien imsemmi fl-iskwadra proviżorja f’Marzu, issa kiseb l-ewwel sej­ħa internazzjonali sħiħa tiegħu taħt De Leo.

Trent Buhagiar, li bħalissa qed jilgħab f’Singapore, reġa’ ġie inkluż, wara li l-aħħar darba li deher fl-iskwadra kien f’Marzu. Il-goalkeeper Matthias Debono kien imsejjaħ fl-iskwadra proviżorja f’Mejju, iżda issa ġie msejjaħ f’dik finali.

Id-difensur James Carragher se jirritorna wara li rkupra minn injury, wara li tilef il-logħbiet ta’  Settembru u Ottubru.

Sadanittant, Ryan Camenzuli u Teddy Teuma huma sospiż kontra l-Finlandja iżda se jkunu disponibbli għal-logħba f’darna kontra l-Polonja. Basil Tuma wkoll irritorna fl-iskwadra wara li tilef il-partita preċedenti, u b’hekk jikkomplimenta l-għażla li tibbilanċja l-esperjenza ma’ dik żagħżugħa.

Fil-klassifika attwali ta’ Grupp G, l-Olanda qed jillidjaw il-klassifika b’16-il punt minn sitt logħbiet, segwiti mill-Polonja bi 13-il punt, bl-istess numru ta’ logħbiet. Il-Finlandja jinsabu fit-tielet post b’10 punti u l-Litwanja fir-raba’ post bi tliet punti, it-tnejn minn seba’ logħbiet ... filwaqt li Malta għandha żewġ punti minn sitt logħbiet.

L-iskwadra finali hija din:

Goalkeepers
Henry Bonello (Ħamrun Spartans FC), Rashed Al Tumi (Sliema Wanderers FC), Matthias Debono (Naxxar Lions FC).

Difensuri
Zach Muscat (Chaves FC - POR), Juan Carlos Corbalan (Marsaxlokk FC), Kurt Shaw (Sorrento FC – Italja), Enrico Pepe (Marsaxlokk FC), Jean Borg (Sliema Wanderers FC), James Carragher (Wigan Athletic FC – Ingilterra), Gabriel Mentz (Gżira United FC), Sven Xerri (Ħamrun Spartans FC), Ryan Camenzuli (Ħamrun Spartans FC)*, Myles Beerman (Sliema Wanderers FC).

Midfielders                                                                   
Matthew Guillaumier (Panserraikos FC - Greċja), Brandon Diego Paiber (Valletta FC), Alexander Satariano (Athens Kallithea FC - Greċja), Yannick Yankam (Valletta FC), Teddy Teuma (Reims FC – Franza)*, Jake Grech (Floriana FC).

Attakkanti
Joseph E. Mbong (Ħamrun Spartans FC), Paul Mbong (FK Cukaricki - Serbja), Ilyas Chouaref (Sion FC – SUI), Adam Magri Overend (Sliema Wanderers FC), Irvin Cardona (AS Saint-Etienne – Franza), Trent Buhagiar (Tampines Rovers – Singapore), Kemar Reid (Birkirkara FC), Basil Tuma (Reading FC – Ingilterra).

*sospiżi għall-partita kontra l-Finlandja.