JOSEPH MBONG U YULYA CARELLA NKURUNATI L-AĦJAR PLAYERS TAS-SENA 2026 FIL-MALTA FA AWARDS

L-attakkant ta’ Ħamrun Spartans FC Joseph Mbong u Yulya Carella ta’ Mġarr United FC rebħu l-unur tal-Aħjar Player tas-Sena fil-kategoriji maskili u femminili rispettivament waqt il-Malta FA Awards Night 2026, li saret nhar it-Tlieta 26 ta’ Mejju.

Il-koppja ta’ Floriana FC Federico Nicolas Varela Escudero u Daniel Portela rebħu l-unur tal-Aqwa Player Barrani tas-Sena u l-Coach tas-Sena rispettivament, hekk kif il-Greens rebħu l-ewwel titlu tagħhom tal-YoHealth Malta Premier sa mill-istaġun 2019-20.

Il-premju tal-Aqwa Goal tas-Sena intrebaħ minn Armando Melo Dos Santos Brenner ta’ Xewkija Tigers FC, li kiseb dan l-unur grazzi għal xutt spettakolari minn nofs il-ground kontra Melita FC fil-Meridianbet FA Trophy.

Jake Azzopardi ġie magħżul bħala l-BOV Young Player of the Year bħala rikonoxximent għall-istaġun impressjonanti tiegħu, fejn rebaħ il-Jubilee Cup u l-Meridianbet FA Trophy ma’ Valletta FC, filwaqt li rċieva wkoll diversi sejħiet mat-team nazzjonali Malti tal-kbar. Thomas Melillo, ukoll ta’ Valletta FC, ġie magħżul bħala l-Aqwa Player tal-Men’s Youth League għall-wirjiet notevoli tiegħu matul l-istaġun, fejn kien parti integrali mit-team li rebaħ il-BOV Youth League A.

Nyorah Celeste ta’ Hibernians FC ġiet inkurunata bħala l-Aqwa Player tal-Assikura Women’s Youth League wara staġun mill-aqwa li ra lill-Pawlisti jirbħu doppjetta, jiġifieri l-Assikura Women’s Youth League u l-Assikura Women’s Youth Knockout, filwaqt li skorjat total ta’ 17-il goal.

Paul Lapira ta’ Birżebbuġa St Peter’s FC ġie magħżul bħala l-Aqwa Player tal-BOV Challenge League, filwaqt li Precious Uchechukwu Nwankwo ta’ Attard FC u Ryan Dalli ta’ Kalkara United FC rebħu l-unuri tal-Aqwa Player tal-BOV Amateur League 1 u tal-BOV Amateur League 2 rispettivament.

Il-President’s Award ingħata lid-difensur ta’ Valletta FC Sava Radic wara l-att erojku tiegħu fil-kwarti tal-finali tal-Meridianbet FA Trophy kontra Ħamrun Spartans FC, meta ntebaħ li Mattias Garcia kien mitluf minn sensih wara ħabta u aġixxa malajr biex jiftaħlu l-passaġġ tan-nifs u jgħinu jerġa’ jieħu n-nifs qabel waslu t-timijiet mediċi.

Il-Gozitan Achievement Award ingħata lil Benjamin Hili ta’ Swieqi United FC u tat-team nazzjonali Malti ta’ taħt il-21 sena.

Il-persuna fil-Malta FA Hall of Fame ta’ din is-sena kien Alfred Mizzi, magħruf bħala “Il-Pampalun”. Mizzi huwa meqjus bħala wieħed mill-aqwa goalkeepers Maltin tal-ġenerazzjoni tiegħu, u huwa magħruf l-aktar għall-karriera twila tiegħu ma’ Hibernians FC, fejn qatta’ 20 sena. Mal-Pawlisti rebaħ tliet kampjonati, tliet FA Trophies u s-Sons of Malta Cup, fost unuri oħra. Huwa wkoll magħruf għar-rekord ta’ clean sheets tiegħu li dam total ta’ 1,055 minuta f’logħob kompetittiv.

Il-Malta FA Awards Night saret fid-DoubleTree by Hilton Malta.

Il-lista sħiħa tal-premjijiet ippreżentati hija din:

-Assikura Women’s Youth League Best Player – Nyorah Celeste (Hibernians FC)
-Men’s Youth League Best Player – Thomas Melillo (Valletta FC)
-BOV Young Player of the Year – Jake Azzopardi (Valletta FC)
-BOV Challenge League Best Player – Paul Lapira (Birżebbuġa St Peter’s FC)
-BOV Amateur League 1 Best Player – Precious Uchechukwu Nwankwo (Attard FC)
-BOV Amateur League 2 Best Player – Ryan Dalli (Kalkara United FC)
-Fair Play Award – Swieqi United
-The Gozitan Achievement Award – Benjamin Hili (Swieqi United FC)
-Foreign Player of the Year – Federico Nicolás Varela Escudero (Floriana FC)
-The Football Social Responsibility Award – Thomas Debono
-President’s Award – Sava Radić (Valletta FC)
-Coach of the Year – Daniel Portela (Floriana FC)
-Hall of Fame – Freddie Mizzi ‘Il-Pampalun’
-Best Goal of the Year Award – Armando Melo Dos Santos Brenner (Xewkija Tigers FC) vs Melita FC
-Women’s Footballer of the Year – Yulya Carella (Mġarr United FC)
-Men’s Footballer of the Year – Joseph Mbong (Ħamrun Spartans FC)

L-aqwa skorers:
-YoHealth Malta Premier – Joseph Mbong (Ħamrun Spartans FC): 14 goals
-BOV Challenge League – Arthur Felippe Stelmach Santana (Pietà Hotspurs FC) and Cristhyan Noto Souza (Mġarr United FC): 18 goals
-BOV National Amateur League 1 – Precious Uchechukwu Nwankwo (Attard FC): 32 goals
-BOV National Amateur League 2 – Ronaldinho Nathaniel Daley (Dingli Swallows FC): 20 goals
-Assikura Women’s League – Salamatu Abdulai (Swieqi United FC): 22 goals