Swieqi United jiġu nkurunati champions tal-Assikura Women's League għall-ewwel darba

It-team tan-Nisa ta’ Swieqi United kiteb l-istorja meta nhar is-Sibt ġew inkurunati uffiċjalment cham­pions tal-Assikura Women’s League għall- ewwel darba fl-istorja tal-club. 

It-team ġie ppreżentat bit-trofew prestiġjuż wara li spiċċa fil-quċċata tal-klassifika fi tmiem staġun impressjonanti.

Biex itemmu l-kampanja notevoli tagħ­hom għar-rebħ tat-titlu, Swieqi United kisbu rebħa missielta kontra Hibernians, b’Karima Abdulai tiskorja l-goal deċiżiv kmieni fl-ewwel taqsima.

Dan it-trijonf finali enfasizza d-dominanza tagħhom matul l-istaġun u ssolidifika l-istatus tagħhom bħala champions  denji.

Waqt il-preżentazzjoni tat-trofew, il-president tal-Malta FA, Bjorn Vassallo, u Andrew Grech, Direttur Maniġerjali ta’ Assikura Insurance Brokers PLC, ippreżentaw il-midalji lill-players u lill-istaff tek­niku qabel ippreżentaw it-trofew tant mixtieq lill-captain tat-team, Shona Zammit.

Dan it-tragward jimmarka era ġdida għal Swieqi United, li issa niżżlu isimhom fl-istorja tal-football tan-nisa Malti.

Ritratti ta' Jonathan Caruana - MFA