BOV PREMIER LEAGUE – JUMEJN OĦRA JINGĦATA BIDU GĦALL-ISTAĠUN 2022/23

Jumejn oħra, il-Ġimgħa 19 ta’ Awwissu 2022, se jingħata bidu għall-Kampjonat BOV Premier.

Għaldaqstant se jitla' s-siparju fuq l-aktar kampjonat prestiġjuż fi gżiritna, fis-Centenary Stadium, hekk kif fis-6.30 pm, Birkirkara FC jilagħbu kontra Sirens FC.

Dan l-istaġun huwa wieħed li żgur se joħloq eċitament u divertiment anke għaliex il-Kampjonat BOV Premier  dan l-istaġun se jkun kompost minn 14-il team.

Il-Kampjonat BOV Premier jibda f’nofs Awwissu, bl-ewwel Match Day.  Wara r-raba’ waħda jkun hemm il-waqfa internazzjonali, bejn id-19 u s-27 ta’ Settembru 2022.

 

Biljetti għal-logħbiet:

Il-partitarji jkunu jistgħu jixtru l-biljetti mill-kabini biswit il-ground fil-ġurnata tal-partita. Il-ħlasijiet bil-cards qed jiġu aċċettati minn din is-sena.

Il-prezz ta’ biljett waħdu mixtri mill-kabini ta’ ħdejn il-ground huwa kif ġej: Adulti €10, Konċessjonijiet €6.

 

Il-prezzijiet ta’ biljetti mixtrija onlajn huma orħos:

Il-partitarji huma mħeġġa jixtru l-biljetti onlajn permezz ta' rata skontata.

Il-prezzijiet tal-biljetti onlajn huma kif ġej: Adulti  €8, Konċessjonijiet *€5

Biljetti onlajn jistgħu jinxtraw minn tickets.mfa.com.mt

 

Season Tickets:

Is-Season Tickets issa huma disponibbli mill-clubs rispettivi.

Is-season tickets jippermettu lid-detentur jidħol fl-istadium għal-logħbiet tat-team preferut biss.

Is-season tickets jistgħu jiġu ordnati direttament mill-clubs rispettivi tal-BOV Premier League. Għalkemm il-prezz rakkomandat huwa ta’ €160, il-clubs huma liberi li jiffissaw il-prezz tas-season ticket rispettiv tagħhom kif jidhrilhom xieraq.

 

L-allokazzjonijiet tal-istands MD1 huma kif ġej: